Efunshetan Aniwura

Efunshetan Aniwura

a̱tyubishyi

Sot mbyin	a̱nap
A̱byin mbyin	Naijeriya
A̱lyoot tyok	Iyalode
A̱tuk mbyin	1790s
A̱keang mbyin	Abeokuta
A̱tuk kwi	30 Zwat A̱taa 1874
A̱keang kwi	Ibadan
Ta̱m	a̱tyukwai-nfwuo-á̱niet, slave trader
Social classification	slave owner

Cif Efunshetan Aniwura (a̱lyem A̱ghwangkpang: Ẹfúnṣetán Aníwúrà, byin da̱ a̱cak ce ndyia̱ 1820 – 30 Zwat A̱taa 1874) wa ku yet Iyalode Ibadan a̱feang wu, a̱ si̱ yet a̱tyonyiung mami á̱nietlyiai á̱khwo nang á̱ ku lyen ba̱t a̱ni mi̱ sa̱ncuri 19 wu mi̱ Ibadan. Á̱ ku nwuan nggu ma̱ng shi nggu hu nang a̱tyukaswuo ma̱ng kaswuo ji̱ byia̱ ya-a̱son a̱ni, nta̱m nggu na si̱ byia̱ a̱ka̱ta ma̱ng kwai-nfwuo-á̱niet, a̱khwot a̱kwop, tung zwa ma̱ng khwi ma̱ a̱byin Ibadan. Di̱ mi̱n but mi̱ fwuo, nggu wa ku yet a̱tyu a̱ ku byia̱ cet a̱swak, a̱wot a̱tyunzwa A̱ghwangkpang a̱nap a̱ swak konyan a̱ ku mak swuan a̱ni. A̱yaagwaklyen-nkhang ku tak nyia̱ a̱ ku yet a̱kwak a̱son a̱ nyia̱ tyok ma̱ng cet wa a̱ni, a̱nyan wa ku kyet á̱khwo nggu ba̱ ku bwuo nggu a̱bun ma̱ng nyiak a̱khwu nci̱ri̱ng. Á̱ si̱ nyia̱ za̱kwa jini ku ta ghwut mi̱ di̱n jen nang nggwoneam mbyin a̱ma̱nyin nggu ka ku khwu wa a̱ni, a̱ si̱ nwai shyia̱ shyia̱ kyiak neet di̱n jen a̱ja.