Ibadan

Ibadan (a̱lyem A̱ghwangkpang: Ìbàdàn), nggu wa yet a̱keangtung ma̱ng a̱gba̱ndang a̱keaang a̱ swak ma̱ng shi a̱ni mi̱ Si̱tet Oyo, mi̱ Naijeriya. Nggu wa yet a̱gba̱ndang a̱keang si̱n a̱tat mi̱ Naijeriya lilyim Legwot ma̱ng Ka̱na̱u. A̱ byia̱ á̱niet 3,649,000 bai a̱fwun 2021, ma̱ng á̱niet miliyon 6 mami fam metropolit nggu hu. Di̱ fam shi a̱byin, nggu wa yet a̱gba̱ndang a̱keang a̱ swak mi̱ Naijeriya. Di̱n jen shyia̱ sa̱t a̱si̱ Naijeriya ma̱ a̱lyia̱ 1960, nggu wa ku yet a̱gba̱ndang a̱keang a̱ swak ma̱ng shi a̱feang mami a̱mgba̱m Afrika, lilyim a̱keang Kairo ma̱nyin.