Ita

Maba̱ta̱do

Fantswam

Gworog

Sholyia̱

Takad

Tyeca̱rak

Jhyen

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Ita

a̱yet nang á̱ maai á̱ shyei a̱ni, A̱za̱za̱rak mam Krista

Yet kap	A̱za̱za̱rak Sati
Yet a̱ci̱t	A̱za̱za̱rak A̱tuk A̱sa̱ba̱t, Easter − 1 day
Si̱ a̱ ntung a̱ni yet	A̱tuk A̱ta̱nii Ita, Second Sunday of Easter, Easter monday
Jhyung	Doot ma̱ng Swuan Yesu Kristi
Mam a̱lyia̱	22 Zwat Tsat, 25 Zwat Nyaai, a̱tuk Ita
Mam sati	A̱tuk Ladi
Depicted by	Manuscript Illumination with Scenes of Easter in an Initial A, from an Antiphonary
Nkyayak taada a̱meang	a̱cyi-nywan Ita
Stack Exchange tag	https://christianity.stackexchange.com/tags/easter

 

 Neet mi̱ Wukideita

Ita, (Shong: Easter, á̱ ka ngyei Pasi̱ka a̱ni (A̱ramik, Helen, Lati̱n) ku A̱tuk Doot ma̱ng Swuan A̱tyusan ma̱ Á̱niet Ba̱ Ka̱n Kwi a̱ni), yet song a̱yet Á̱nietkhwiki̱risi̱ti ja ma̱ng fwung taada nang á̱ nyia̱ mat doot ma̱ng swuan Yesu ma̱ á̱niet ba̱ ka̱n kwi a̱ni, á̱ ku wa̱i mi̱ La̱p A̱nu Fai hu nang kyang ku bai mmam ntat a̱ma̱lyim niat nggu hu ku nkhwi kpang nggu hu da̱ a̱team a̱khwu mbwak A̱rom ba da̱ a̱vwuo ka nang á̱ ngyei A̱vwuo A̱ghyighyak A̱pyia̱ a̱ni kpa̱mkpaan ma̱ng a̱lyia̱ 30 ndbK. Ngaan Cat Yesu Ki̱risi̱ti hu hwa, nang Len (ku A̱gba̱ndang Jen Fwui A̱nu) bai a̱zaghyi ma̱ng a̱nhu a̱ni, ma̱ng shi a̱swap mmam 40 nang á̱ ni̱ swan a̱fa-a̱khwot, naai A̱gwaza, a̱wot á̱ mun fak a̱sa̱kut a̱ Ma A̱gwaza ka.

Á̱nietkhwiki̱risi̱ti ba ba̱ saai Ita a̱ni ni̱ ngyei sati ngaan A̱gba̱ndang Jen Fwui A̱nu hu ma̱ tai, a̱zaghyi Ita ka, A̱za̱za̱rak Sati wu, nang mi̱ Khwiki̱risi̱ti Jenshyung hu ni̱ tsa ma̱ng A̱tuk Ladi Bwak Tswan ka (ku tyai nwuai Yesu mi̱ Urusha̱lima), bi̱ri̱ng ma̱ng A̱tuk La̱ra̱ba Bang-a̱byin (nang á̱ tywei a̱nak lyiai Yesu mbwak á̱ka̱tuk á̱niet), a̱wot á̱ si̱ mbyia̱ mmam Triduum Ita dundung ma̱ng A̱tuk A̱laamit Kwi A̱ti̱tak, á̱ sak mat Kwi A̱ti̱tak ma̱ng yaan Kyayak Ngaan hu, mbeang A̱za̱za̱rak Juma wu, a̱ tyai kpang da̱ a̱team a̱khwu ma̱ng a̱khwu Yesu. Mi̱ Khwiki̱risi̱ti A̱tyin hu, mi̱ naat mbwuot nyiung hwa á̱ tyai ma̱ng lyulyoot mmam ku tsa a̱mgba̱m ma̱ng "A̱za̱za̱rak" ku "A̱za̱za̱rak ma̱ng A̱gba̱ndang", a̱wot á̱ bye yei Ita a̱pyia̱ nggu, A̱gba̱ndang ma̱ng A̱za̱za̱rak Pasi̱ka wu. Mi̱ Khwiki̱risi̱ti Jenshyung ma̱ng si̱ A̱tyin hu, Jen Ita ku Pasi̱ka—ni̱ ntsa ma̱ng A̱tuk Ladi Ita kya a̱wot ji̱ ya a̱son kyiak nat nsati a̱natat na̱ shyia̱ a̱zanson a̱ni, a̱wot ji̱ si̱ fwan a̱tuk mam 50 kikya, A̱tuk Ladi Penti̱kot ka. Da̱ a̱kwonu a̱kya, mi̱ Khwiki̱risi̱ti A̱tyin hu, ngaan a̱yet hu ni̱ bai a̱tuk mam 39 kikya, a̱tyetuk A̱yet Bwuok a̱ Nat Tswazwa ka.