Ki̱rista A̱fa̱taa
Ki̱rista A̱fa̱taa ku Á̱nietkhwiki̱risti A̱fa̱taa yet A̱fa̱taa bya ba̱ yet Á̱nietkhwiki̱risti a̱ni neet ma̱ a̱mgba̱m susot. Mat cet a̱taada Kpaa̱pyia̱ nwap jini, bwan khwi ni̱ tyuu tyutyuu. Á̱ ku tyan nyia̱ tsi̱tsak %1-2 a̱mgba̱m A̱fataa ba, bibya cong khwi ku vwuon ma̱ng Khwikpaa̱pyia̱ ku nkhwi taada Afi̱rika jhyang ma̱ng a̱di̱di̱t nwuak a̱cucuk di̱ Khwikpaa̱pyia̱.[1]
Ta̱m shei A̱fa̱taa ba A̱lyiat A̱gwaza na[jhyuk | jhyuk a̱tyin ka]
A̱fa̱taa ba yet a̱nyiung mami nnwap na̱ ku tsa san Khwikpaa̱pyia̱ hu a̱ni mami Afi̱rika, ba̱ si̱ kai khwi a̱taada a̱yaatyia̱-a̱khwop mba hu a̱ ghwon ba̱ si̱ ta̱bat kweam tyiet Muwamet mi̱ shyicet kuzangmam mba hu.[2] Mat a̱nia wa, á̱ ku kan a̱lahyia̱ ba̱t á̱ nat ma̱ng a̱mba ndyo A̱lyiat A̱gwaza na neet a̱fwun bah di̱ mi̱n ya-a̱ywan, ma̱nang di̱n jen ma̱ a̱di̱di̱t ba̱ ni̱ su nwap mba ja ma̱ng Khwikpaa̱pyia̱ miī kyang nyiung hwa. Di̱n jen jhyang, nyeang A̱tyukhwikristi maai a̱ nwai yet A̱tyofa̱taa a̱ni ku beang di̱ bwan hu neet mi̱ A̱fa̱taa Kpaa̱pyia̱, a̱wot si̱ a̱hwa mun byia̱ a̱ka̱bung nhu na nang jhyuai ma̱ng lal-li mami á̱niet ce.[3]
Da̱nian kyiai kikyiai huni ma̱ng mun pyipyia̱ di̱ swat nyinyang tsi̱tsak á̱niet, tyei á̱kum á̱niet ka di̱ nnaat mbwuot ma̱ng nyap fwuo ma̱ng á̱ghyang nang ma̱ a̱byin A̱ghwangkpang, Naijeriya, á̱ghyang á̱niet ni̱ ka kyiai nkyiai nkyang Khwikristi ma̱ng taada Khwikpaa̱pyia̱ da̱ a̱ka̱nyiung, a̱wot tangka̱i khwi ghyang nang á̱ ngyei "Chrislam" di̱n Shong a̱ni si̱ kin ta a̱ ghwut ma̱nang nkhwi nfeang na yet kyang hu á̱ ngyei nkhwi A̱brahamik wa a̱ni.[4] Á̱ si̱ kin mbyia̱ bwan khwi ghyáng nang A̱fa̱taa ba ku li a̱ni ka̱nang ba̱ ghwut a̱za̱nta neet mi̱ Afi̱rika a̱ni, nang ku ni̱ ndi ma̱ng A̱fa̱taa A̱merika ba, ma̱ a̱byin ka ka̱ lyiak ma̱ng Á̱nietkhwikristi bya a̱ni.
Ya̱shuk Krista A̱fa̱taa hu[jhyuk | jhyuk a̱tyin ka]
Krista A̱faa ba mi̱ swuoa̱bung ma̱ng kuzang tangka̱i a̱ka̱hyia̱ mbwak mba ba̱ ku som á̵̱pyia̱ mba ba̱ hyeng ma̱ng nkyang Khwikpaa̱pyia̱ na a̱ni da̱ a̱ka̱vwuo nang á̱ lyen neet mi̱ nkhang gbangbang nyia̱ A̱fa̱taa swan a̱ja a̱ni.[5] Nkyang na ni̱ byan a̱ swak ka̱nang A̱fa̱taa Kpaa̱kpeang ba (nang A̱fa̱taa ba̱ cok nyák ba a̱ni) nwuo ma̱ng Krista A̱fa̱taa ba nang á̱ ku kwok mi̱ nkhang jhyang a̱ni, a̱nyanyan bya nwuan mba nang á̱bang-a̱byin a̱ni a̱wot ba̱ ta̱bat nwuai wum ncot ma̱ng susot á̱niet da̱ a̱ka̱nyiung, a̱wot ba̱ hyaai á̱niet ma̱ a̱di̱di̱t di̱n-swak di̱n-swak mbeang Á̱nietkhwikristi ncyi tazwa ncyi ba̱ yet a̱sai-a̱toot a̱ni. Ntangka̱i a̱ka̱hyia̱ nani ku nyia̱ di̱ fam A̱za Naijeriya di̱n jen sa̱ncuri 21 ji nang kap nat di̱ jhyi A̱fa̱taa hu di̱ nyian a̱ka̱hyia̱ na.[6]
Ya̱fang[jhyuk | jhyuk a̱tyin ka]
- ↑ "Nigeria's Fulani Christians are Attacked from Every Side". Perseution.org. International Christian Concern. 8 Zwat A̱natat 2023. Retrieved 2 Zwat Swak ma̱ng Sweang 2023.
- ↑ Department of the Arts of Africa, Oceania, and the Americas of the Metropolitan Museum of Art (Zwat Swak 2002). "The Fulani/Fulbe People". Retrieved 31 Zwat Swak ma̱ng Sweang 2023.
{{cite web}}: CS1 maint: multiple names: authors list (link) - ↑ The Wall Street Journal. "The New War Against Nigeria's Christians By The Fulani Herdsmen". Anglican.nig.org. Church of Nigeria. Retrieved 2 Zwat Swak ma̱ng Sweang 2023.
- ↑ McGregor, Andrew (Zwat Sweang 2017). "The Fulani Crisis: Communal Violence and Radicalization in the Sahel". CTCSentinel. Combating Terrorism Center. 10 (2). Retrieved 2 Zwat Swak ma̱ng Sweang 2023.
- ↑ "Radical Fulani herdsmen kill 15 Christians, kidnap 32 others in Nigeria". Christianpost.com. The Christian Post. 19 Zwat A̱kubunyiung 2023. Retrieved 2 Zwat Swak ma̱ng Sweang 2023.
- ↑ Wadibia, Christopher (29 Zwat Swak ma̱ng Jhyiung 2019). "An Analysis of the Fulani-Christian Conflict in Nigeria". Woolf.cam.ac.uk. Woolf Institute. Retrieved 2 Zwat Swak ma̱ng Sweang 2023.