Mala̱m Da̱ndo

Mala̱m Da̱ndo

a̱tyubishyi

Sot mbyin	a̱sam
A̱tuk mbyin	1760
A̱keang mbyin	Si̱tet Kebi
A̱tuk kwi	1833
Ta̱m	warlord, a̱tyutyiet
Nwap	A̱fa̱ta

Mala̱m Muhammadu Bangana á̱ ku ka ngyei Mallam Dendo ku Manko a̱ni, ku yet a̱gba̱ndang a̱yin wa mi̱ nkhang sa̱ncuri 19 na ma̱ a̱byin ka nang á̱ ngyei Naijeriya a̱fwun a̱ni. A̱ ku neet ma̱ a̱keang A̱fa̱taa kya mi̱ Kebi, di̱ fam A̱za-Jenshyung Naijeriya a̱fwun.

Mi̱ sa̱ncuri 19 wu, nang fam A̱ka̱wa̱tyia̱ Sudan hu ku li a̱shai taxwa a̱shai mat swuocet Usuman dan Fodyo, Mala̱m Da̱ndo si̱ kwok a̱ bai a̱byin Nupe ka. Di̱n jen jini ja A̱gwamkpaa̱pyia̱ Gwa̱ndu wu si̱ swuocet A̱nupe ba.

Mala̱m Da̱ndo ku lyen kwai-nfwuo-á̱niet ba̱t ma̱ng jhyi naat mbwuot mami a̱di̱dam. Gogwak nta̱m nggu hu ku beang shai a̱byin Nupe ka ba̱t. Á̱ lyen nggu ma̱ng cat nvak nyian nkyang nfai ma̱ a̱byin Nupe nang á̱ ku nyia̱ ba̱ng si̱ tat kpa̱mkpaan ma̱ng ndyia̱ 200, a̱ si̱ bwuak a̱byin Nupe tyia̱ a̱fai.

Á̱ jhyung Mala̱m Da̱ndo nang a̱tyu a̱ ku cat fang nkwaa̱mbwat Khwikpaa̱pyia̱ a̱ni ma̱ng a̱gba̱ndang a̱kwak a̱son. Mkhang shyicet nggu na, kyiak neet mi̱ myiam nkyang Khwikpaa̱pyia̱ ba̱ng si̱ tat yet a̱tsatsak a̱tyubyia̱lyen ma̱ng a̱kwak a̱son, tyai si̱sak nang gu ku byia̱ cet di̱ fuut naat mbwuot di̱ nkhang Nupe a̱ni.

Ku a̱zafwun, á̱niet ni̱ nyia̱ a̱di̱dam tazwa kyang hu nang Mala̱m Da̱ndo ku nyia̱ a̱ni. A̱ ku yet a̱tsatsak kap nkhang Nupe wa a̱wot a̱ si̱ kin nfuut á̱ghyang á̱niet ba̱ nyia̱ a̱di̱dam a̱wot ba̱ myiam.