Zi̱lan A̱fai

Neet di̱ Wikipedia
Jump to navigation Jump to search

Zi̱lan A̱fai
New Zealand (Shong)
Aotearoa (Mawori)

A̱keangtung Wellington
Shi kyai 268,021 km²
Shi á̱niet 5,138,440 ab. (2022)

A̱bwom a̱byin: "God Defend New Zealand" (A̱gwaza Cok Zi̱lan A̱fai)

A̱byin Zi̱lan A̱fai (Shong: New Zealand, Mawori: Aotearoa /aɔˈtɛaɾɔa/) yet a̱byin a̱ka̱wa̱tyia̱ a̱sa̱khwot kya di̱ fam a̱tak-jenshyung A̱gba̱ndang Kyai A̱sa̱khwot Pasi̱fi̱k hu. Ka̱ byia̱ nkyai bibyin nfeang —A̱byin A̱ka̱wa̱tyia̱ A̱sa̱khwot A̱za ka (Shong: North Island, Mawori: Te Ika-a-Māui) ma̱ng A̱byin A̱ka̱wa̱tyia̱ A̱sa̱khwot A̱tak ka (Shong: South Island, Mawori: Te Waipounamu)—ma̱ng si̱ ku swak a̱cyuang bibyin a̱ka̱wa̱tyia̱ a̱sa̱khwot 700. Kikya yet a̱byin a̱ka̱wa̱tyia̱ a̱sa̱khwot ka̱ nyia̱ tyok a̱pyia̱ nka ka̱ byia̱ shi a̱taa mi̱ swanta hu a̱mgba̱m, ka̱ si̱ kup kyai a̱byin kilomita a̱ma̱ntanaai 268,021 (met a̱ma̱ntanaai 103,500). A̱byin Zi̱lan A̱fai swan kpa̱mkpaan kilomita 2,000 (met 1,200) ma̱ng fam a̱tyin A̱strelya a̱ma̱nyi Kyai A̱sa̱khwot Tasmeniya hu ma̱ng kilomita 1,000 (met 600) di̱ fam a̱tak bibyin a̱ka̱wa̱tyia̱ a̱sa̱khwot Kali̱doniya A̱fai, Fiji, ma̱ng Tongga. A̱byin ka vwuon vi̱vwuon mi̱ di̱ li lili a̱byin hu ma̱ng a̱jojwaat a̱ka̱fan nka wu, mbeang A̱yaa-ali̱p A̱tak. A̱keangtung nka, kikya yet Wellington, a̱wot a̱keang nka ka̱ swak ma̱ng shi á̱niet a̱ni, kikya yet Auckland.

Ya̱fang[jhyuk | jhyuk a̱tyin ka]