Á̱niet A̱tyin (nwap)

Á̱niet A̱tyin

nwap

A̱byin	Naijeriya, Ni̱njer, Caad, Sudan

Á̱niet A̱tyin ku A̱ka̱nuri ku A̱ba̱reba̱re ba, (nang á̱ ka ndyen ma̱ng lyulyoot a̱bannwap ma̱ a̱di̱di̱t vwuon mba) yet nwap ja mami Afi̱rika nang a̱lyiak nji swan bibyin Ka̱nem ma̱ng A̱byintyokshan Ba̱ri̱no gbangbang hu hwa mi̱ bibyin Ni̱nja̱t, Naijeriya, Caad, ma̱ng Kemerun a̱fwun. Susot-á̱niet bibyin nta nshyia̱ Sudan. Da̱ mba, ba̱ yet susot a̱bannwap ma̱ng a̱banfam ja, á̱ghyang mba ni̱ ngyei á̱pyia̱ mba ma̱ng a̱lyoot A̱ka̱nuri kya. A̱lyiak ka nyia̱ a̱vwuoneet mba ka, kikya yet A̱byintyokshan Ka̱nem-Ba̱ri̱no, mbeang bibyin ma̱ng nfam jhyang nang tyok mba hu ku yai a̱ tat gbangbang a̱ni. Mi̱ di̱ vwuon ma̱ng á̱kpa̱ndang swat mba ba A̱tubu ku A̱za̱gha ba ba̱ yet á̱niet cong nyám bya a̱ni a̱vwuo ma̱ng a̱vwuo, susot Á̱niet A̱tyin ji mi̱ taada yet á̱niet bya ba̱ swan di̱ tyan jhyiung, a̱wot ba̱ nyia̱ nta̱m khap, bwoifa̱n mi̱ Kham Caad ji, nyian kaswuo, ma̱ng nta̱m nfak.