Jump to content

Da̱nube

Neet di̱ Wikipedia
(Á̱ bwuak ndyo neet mi̱ vak A̱ghyui Da̱nube)
Da̱nube
a̱ghyui, transboundary river
A̱lyoot a̱gwomna̱tiDanube Jhyuk
Origin of the watercourseBrigach, Breg Jhyuk
Mouth of the watercourseA̱dyundyung Kyai A̱sa̱khwot Jhyuk
A̱gba̱dang jok ku a̱ta̱lyen a̱sa̱khwotLake Đerdap Jhyuk
Drainage basinDanube basin Jhyuk
Basin countryJami̱ni Jhyuk
Vam-a̱byinYurop Jhyuk
Shyia̱ di̱ fam tyok a̱byinBaden-Württemberg, Odesa Oblast Jhyuk
Coordinate location45°13′19″N 29°44′36″E, 48°5′42″N 8°9′18″E Jhyuk
GewässerkennzahlDE/1 Jhyuk

A̱ghyui Da̱nube ka (nang á̱ lyen ma̱ng lyulyoot ma̱ a̱di̱di̱t a̱ni, di̱ lilyem vwuon), kikya bai a̱feang mami a̱yaajunjung a̱ka̱ghyui nang ba̱ shyia̱ mi̱ Yurop a̱ni. Kikya khwi a̱ghyui nang á̱ ngyei a̱ghyui Voli̱ga ka̱ shyia̱ ma̱ a̱byin Roshya a̱ni. Ka̱ swak ma̱ Yurop A̱ka̱wa̱tyia̱ ma̱ng A̱tak-a̱tyin, ka̱ si̱ neet a̱gbang a̱tak A̱dyundyung Sop ka̱ si̱ nwuai A̱dyundyung Kyai A̱sa̱khwot a̱ni. Ka̱ yet a̱gba̱ndang a̱ghyui ma̱ng a̱si̱ gu yet a̱tsatsak mi̱ nkhang wa a̱ni, a̱wot gbangbang ka̱ ku yet gak A̱byintyokshan Rom kya gbangbang. Mi̱ sa̱ncuri 21 wu, a̱ghyui a̱kya fwuop bibyin Yurop swak, ma̱nang ka̱ tyong a̱mami a̱byin a̱nyiung ku ka̱ yet gak tsitsak bibyin feang. A̱nu a̱ghyui ka shyia̱ ma̱ a̱byin Jami̱ni kya, a̱wot a̱ghyui Da̱nube ka si̱ kpa̱ra̱p a̱ nat fam a̱tak-a̱tyin hu tat km 2,850 (met 1,770), ka̱ si̱ byia̱ a̱gi̱gak ma̱ng bibyin A̱ti̱riya, Si̱lovakya, Honggi̱ri, Ki̱rowesiya, Sa̱ri̱bya, Romaniya, Buli̱gariya, Ma̱li̱dova, ma̱ng Yuki̱ren. Mami á̱di̱dit a̱ka̱keang na̱ shyia̱ da̱ a̱ghyui ka á̱ si̱ mbyia̱ a̱ka̱keangtung bibyin a̱naai: Viyena, Bi̱ratisi̱lava, Budapet, ma̱ng Beli̱gi̱ret. Kham nka ji byia̱ shi ku na ntat km² 817,000 a̱wot ku si̱ ngaat nwuo mi̱ bibyin a̱kubunyiung ku si̱ ku na swak a̱nia a̱ni.

Ya̱fang[jhyuk | jhyuk a̱tyin ka]

A̱ka̱fwuop nta[jhyuk | jhyuk a̱tyin ka]