A̱hoda

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱hoda

a̱vwuonswat á̱nietbishyi

A̱lyem a̱gwomna̱ti	Shong
Vam-a̱byin	Afrika
A̱byin	Naijeriya
Shyia̱ di̱ fam tyok a̱byin	Si̱tet Rivat
Shyia̱ di̱ fam jen	UTC+01:00
Coordinate location	5°5′0″N 6°39′0″E

A̱hoda (Ehuda) yet a̱keang kya di̱ Fam Orashi hu mi̱ Si̱tet Rivat, Naijeriya, ka̱ shyia̱ di̱ fam a̱za-jenshyung a̱keang Pa̱takwot. Mami A̱hoda, a̱lyem A̱kpeye kikya yet a̱gba̱ndang a̱lyem wu nang á̱ lyiat, shimba á̱ mbyia̱ lilyem ghyáng nang A̱nggyeni, Ogba, ma̱ng Ikwere.

Á̱ ka̱u A̱hoda di̱ susot a̱gwomna̱ti mali sweang ja: A̱hoda A̱tyin, nang tyangtung nggu ja yet a̱keang A̱hoda, ma̱ng A̱hoda Jenshyung nang tyantung nggu ji nshyia̱ a̱keang Akinima, mat kwak-a̱son. A̱keang A̱hoda kya ku yet tyantung kwak-a̱son A̱khwukhwop divishon A̱hoda a̱zaghyi njen shyia̱ yong ma̱sa̱t dundung nang á̱niet Ogba, Egbema, A̱nggyeni, Abwa-Odual, Ece, Omuma, Obyo-Akpo, Ikwere ma̱ng nfam nghyang mami a̱keang Pa̱takwot, mun a̱ shyia̱ a̱ni. Ca̱caat ma̱ng fang National Population Commission Census (NPCC) a̱lyia̱ 2006 ji, shi á̱niet A̱hoda ku yet 583,900 si̱ ku fa; 233,700 mi̱ A̱hoda A̱tyin ma̱ng 350,200 mi̱ A̱hoda Jenshyung a̱wot á̱ si̱ tyan á̱niet ba na shi a̱ tat 700,680 ma̱ a̱lyia̱ 2018.

Tung nzwa

Topogi̱rafi ma̱ng bibeam nggu byia̱ nyenyiat swan mat nta̱m khap neet nang á̱ mbyia̱ a̱dodo nza a̱ni ma̱ a̱lyia̱ ka, si̱ huni hwa som á̱niet A̱hoda ba di̱ nta̱m bwoifa̱n ma̱ng khap ba̱t. A̱tsak á̱niet-a̱byin A̱hoda ba ku yet á̱za̱za̱rak á̱nietkhap ma̱ng á̱nietbwoifa̱n bya ku a̱fwun ka, a̱mgba̱m ma̱ng byian a̱vwuo ka mat cat a̱myia̱fan di̱ fam hu.

Yunuvasi̱ti Sayen ma̱ng Lyennkyangta̱m Si̱tet Rivat hu (RSUST) byia̱ kamput nang á̱ ngyei kamput nta a̱ni mami A̱hoda. A̱ka̱vwuo á̱ghyang nang nkamput RSUST nshyia̱ a̱ni, ninia yet Ece ma̱ng Emohwa. Si̱sak ma̱ng a̱lyiat Byiek Cansa̱lo RSUST na, Prof. Nlerum Sunday Okogbule (mi̱ da̱ a̱lyia̱ 2021) kamput hu nang á̱ kpaat ma̱ a̱keang A̱hoda a̱ni shyia̱ a̱ja mat á̱ mban naat mbwuot nyia̱-kpa̱ndang á̱niet hwa ma̱ng tung nzwa a̱keang ka a̱wot beang mban byi̱k sot-̱ániet ji ma̱ng a̱ka̱vwuo hyia̱k na mameang.

Lili a̱byin

Latityut nggu ji ja yet 5° 4' 58" N, longityut ji si̱ yet 6° 38' 59" E, a̱wot a̱mgba̱m latityut ma̱ng longityut si̱ yet 5.0828, 6.64981. Tangka̱i lili wun nggu hu yet si̱ monsun ti̱ropik hwa.

Lyulyoot a̱ka̱keang ma̱ng a̱baka̱keang

• A̱barikpo
• Agbo/Akogbologba
• A̱hoda
• A̱karamirin
• Akinima
• Akot
• Anakpo
• Anwunugboko
• Ebiriba/Ikodi
• Ebiro
• Edeeha
• Edeoha
• Edugbari
• Ekpena
• Emezi
• Idu-Obosiyuku
• Idu-Osobile
• Igbuduya
• Igoriya
• Ihwaba
• Ihweci
• Ihugbogo
• Ihubuluko
• Ihwowo
• Ihwaje
• Ikata
• Mbyama
• Obo
• Odido
• Ogbo
• Odhiaje
• Uyakama
• Ubeta
• Ubarama
• Udebu
• Ula-Upata
• Upatabo

A̱ka̱fwuop nta

• a̱ma̱ntei ofisha Si̱tet Rivat