Mititei
Mititei (yei Romaniya: [mitiˈtej]) ku mici (yei Romaniya: [mit͡ʃʲ]; a̱mgba̱m swáng a̱lyiat Romaniya sweang fa "a̱bancyuang") yet tangka̱i kyayak hwa nang A̱romaniya ba ngya a̱ni, ku byia̱ nam nang á̱ ku kwang á̱ si̱ shwai a̱wot á̱ si̱ kuut a̱ni, a̱wot á̱ ka ngweang ma̱ng nam nyak, fi̱ng a̱nfwuk ma̱ng nkyang shita, nang a̱gurma a̱nfwuong, a̱dyundyung shita, taim, koriyanda, anise, savori, a̱wot di̱n jen jhyang á̱ ka mi̱ ntyia̱ paprika. Á̱ mun ntyia̱ sodyom bikabonet ma̱ng a̱nwun ku a̱sa̱khwot a̱mami. Ku si̱ ba̱ tai ćevapi ma̱ng nkyayak njhyang nang á̱ nyia̱ ma̱ng nam hu nang á̱ ku kwang a̱ni koji di̱ nfam A̱yaaba̱li̱kan ma̱ng A̱ka̱wa̱tyia̱ A̱tyin na.
Á̱ ka nka̱u ma̱ng a̱rungguna A̱shong namg á̱ kaat a̱ni, musi̱tat ma̱ng murături (kwon sa̱kan).
Nkhang[jhyuk | jhyuk a̱tyin ka]
Nkhang ghyang nang á̱ cat ba̱t a̱ni ku nyia̱ mi̱ nyia̱ nyia̱ á̱ ku mat 'mici' ku 'mititei' di̱ ngaan sa̱ncuri 14 wu wa a̱wot nyia̱ kyayak hu neet mi̱ A̱byintyokshan A̱toman kikya.[1]
A̱mgba̱m ndyia̱ na, vak weang hu ku kai á̱tsak nkyang jhyang a̱ ghwon, nang zwá caraway ma̱ng allspice, a̱wot á̱ si̱ ta̱bat weang ma̱ng nang a̱kusuru, da̱ a̱kwonu nam nyak ku fi̱ng a̱nfwuk.[2][3][4] Á̱ mun mbeang sodyom bikabonet, tangka̱i kyang mwuat kyayak ghyang, mi̱ weang Romaniya a̱fwun hu, zang nggu wa mban swam hu ma̱ng fa̱k hu.[5]
Yet a̱tsatsak taada ma̱ng tung zwa[jhyuk | jhyuk a̱tyin ka]
Á̱niet cat Mici ba̱t koji ma̱ a̱byin Romaniya, ma̱ng kpa̱mkpaan ma̱ng mici milyon 440 nang á̱ yaan kuzang a̱lyia̱ mi̱ Romaniya. Á̱ yaan nna ma̱ a̱ka̱sa, a̱yaarestoran ma̱ng a̱ka̱vwuolyiai kyayak ghyáng, a̱wot ku li á ngyei ku tai byia̱ a̱meang ma̱ng shwai shushwai a̱ta̱usa hwa. Ma̱nang A̱romaniya ba gwai Mam Á̱nietnta̱m Bibyin Swanta (Zwat Tswuon) ma̱ng cong da̱ a̱ka̱vwuo shwai nam ma̱ng fwung a̱ta̱usa, mici si̱ bai byia̱ kpa̱ndang ma̱ng fwung mi̱ ndyia̱ mam huni, á̱ ku ya mititei milyon 30 mi̱ Romaniya a̱tuk mam a̱son Zwat Tswuon ma̱ a̱lyia̱ 2019.[6] Jen jhyang á̱ ngyei Mici "kyayak a̱byin Romaniya" di̱ nyinyiit shei nkhang na, bi̱ri̱ng ma̱ng nwai tangka̱i a̱lyoot a̱kya ku neet ma̱ a̱gwomna̱ti ba a̱ni.
Ma̱ a̱lyia̱ 2018, tsi̱tsak %5 ma̱ng %10 a̱mgba̱m mici nang á̱ weang Romaniya ndyo ku neet bibyin nta hwa, nang bibyin ku byia̱ A̱romaniya ma̱ a̱di̱di̱t di̱ nhu a̱ni, nang Italya, Si̱pen ma̱ng Muna̱pyia̱ A̱byintyok hu.[6]
Bu nwuan[jhyuk | jhyuk a̱tyin ka]
- Ćevapi, kyayak Ba̱li̱kan
- A̱khwot a̱yaala̱unam
- Kebapceta
- Kebab
- Cifi̱tele – kyayak Romaniya ghyang
- Pârjoale – kyayak Romaniya ghyang
Ya̱fang[jhyuk | jhyuk a̱tyin ka]
- ↑ "Reţeta originală de mici – cum se făceau mititeii acum 100 de ani!". Libertatea. 3 June 2019. Retrieved 2 Zwat A̱ni̱nai 2019.
- ↑ Corespondenţi „Adevărul” (14 Zwat A̱taa 2013). "Povestea micului românesc: cum a ajuns o greşeală culinară dezbatere europeană. Unde se găsesc cei mai buni mici din ţară". Adevărul. Retrieved 2 Zwat A̱ni̱nai 2019.
- ↑ Minea, Sorin (14 Zwat Tswuon 2013). "Scandalul micilor: Rețeta e a noastră sau provine din Turcia?". DC News. Retrieved 2 Zwat A̱ni̱nai 2019.
- ↑ Lazăr, Simona (29 Zwat Nyaai 2017). "Mititei (rețeta din 1872 – varianta "nașului" N.T. Orășanu)". Gastroart.ro. Retrieved 2 Zwat A̱ni̱nai 2019.
- ↑ Pantazi, Raluca (7 Zwat Tswuon 2013). "Marea dezbatere despre micul romanesc: cu bicarbonat sau fara. Ce spun oficialii europeni, guvernul si producatorii romani". hotnews.ro. Retrieved 2 Zwat A̱ni̱nai 2019.
- ↑ 6.0 6.1 "Minivacanța de 1 Mai - românii vor pune pe grătar 30 de milioane de mici / Sunt preferați micii din carne de porc şi vită". Hotnews.ro. 29 Zwat Tswuon 2019. Retrieved 2 Zwat A̱ni̱nai 2019.
