Song A̱yet

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Song A̱yet A̱tyap

festival

A̱byin	Naijeriya
Yet byin-a̱byin	A̱tyap
Shyia̱ di̱ fam tyok a̱byin	Si̱tet Ka̱duna, Ka̱duna
A̱vwuo	A̱tak Njei
Coordinate location	9°49′11″N 8°17′0″E, 10°31′6″N 7°21′24″E
Organizer	A̱sorong Byi̱k Sot-á̱niet A̱tyap

Song A̱yet ku Song A̱yet A̱tyap ku Song A̱bwoi yet nce naat mbwuot a̱gwai nia ma̱ng a̱ka̱yet nang A̱tyap ba nyia̱ a̱ni kuzang a̱lyia̱. A̱tyap ba yet nwap ja ji̱ shyia̱ di̱ fam A̱tak Ka̱duna, Fam A̱ka̱wa̱tyia̱, Naijeriya. Taada ja nang á̱ nyia̱ di̱n jen ji nang á̱ fwuong bai nza a̱ni mat á̱ ta̱bat nta̱m khap mi̱ bibyinkhap a̱ni ma̱ a̱lyia̱ ka tsi̱tsak a̱fa̱ng Zwat Tsat ma̱ng a̱fa̱ng Zwat Nyaai a̱wot á̱sam kwai A̱ku ba nang á̱ ku tyia̱ ma̱ A̱bwoi a̱ni, bibya ku jhyi song huni. Ku ku labeang ma̱nang á̱ si̱ song ji nat mi̱ Zwat Swak ma̱ng Sweang a̱wot ma̱ a̱tyia̱kwon ma A̱gwatyap kya nang á̱ song song jini ma̱ A̱tak Njei, SA̱M Nietcen A̱fakan, a̱tak Si̱tet Ka̱duna. A̱nci̱ri̱ng, a̱ca̱cet á̱niet ni̱ mbai neet mi̱ si̱ter ji ma̱ng sí̱tet nta, nang a̱yaakwak a̱son kwai-nfwuo-á̱niet ma̱ng á̱gwam a̱mgba̱m.