Yma o Hyd

Yma o Hyd

ta̱m/tak ti̱tak bubwom

Form of creative work	a̱bwom
Genre	traditional folk music
Performer	Dafydd Iwan
A̱tuk nshei	1983
A̱tyulyuut a̱bwomtsot	Dafydd Iwan

Ghwughwu a̱bwomtsot hu.

Yma o Hyd (Tyap: Zi̱ Ni̱ Nshyia̱ A̱ji) yet a̱bwom swam-a̱byin Wali̱t kya nang Dafydd Iwan a̱tyulyuut bubwom ma̱ng a̱tyukwai-nfwuo-á̱niet a̱ ku yet kap sot kwai-nfwuo-á̱niet ji nang á̱ ngyei Plaid Cymru a̱ni — ku lyuut a̱ si̱ tsot ma̱ a̱lyia̱ 1981, a̱wot á̱ si̱ shei ma̱ a̱lyia̱ 1983.

Tswa kurum a̱na-a̱shong Magnus Maximus, a̱gwamshan Rom a̱ ku tyong a̱ wot Wa̱la̱t ma̱ a̱lyia̱ 383A̱A̱.

A̱bwom ka lyiat tazwa kwan a̱lyem Wali̱t kikya, ka̱ swuan ma̱ng a̱byin Wali̱t ka a̱pyia̱nka neet di̱n jen a̱gwamshan Magnus Máxim ma̱ng wot A̱rom ba ma̱ a̱lyia̱ 383.

A̱bwom ka si̱ sai da̱ a̱cak ka nang á̱ ngyei Mandate of Thatcher di̱n Shong a̱ni nang á̱ nyii a̱ka̱vwuo lung a̱cican a̱byin ma̱ a̱di̱di̱t. Bi̱ri̱ng ma̱ng a̱nia, a̱bwom ka si̱ shyip tswá A̱guguut Swam-a̱byin A̱wali̱t ba.

Sot á̱nietsot a̱la̱u rog-bi nang á̱ ngyei Scarlets a̱ni, bibya ku tsa nyia̱ ta̱m ma̱ng Yma o Hyd nang a̱bwom ku nwai yet ofisha a̱ni, a̱wot á̱kpa̱ndang-cat Ki̱lop A̱la̱u-a̱ti̱tak Sot Wrexham (ku Wrexham Association Football Club) ba si̱si̱ ntung.

Jenjinishi, á̱ si̱ ba̱ bwom nka mi̱ vwuo ghyang nang sot a̱la̱u-a̱ti̱tak a̱byin Wa̱la̱t ji ku vwuo a̱ni ma̱ng sot a̱la̱u-a̱ti̱tak a̱byin A̱sti̱riya a̱tuk Zwat Tsat 2022 nang nggu Dafydd Iwan wa si̱ bwom.

Swáng a̱lyiat

Yma o Hyd mbwak Dafydd Iwan

Di̱n Wali̱t

Di̱n Tyap

Dwyt ti'm yn cofio Macsen, Does neb yn ei nabod o; Mae mil a chwe chant o flynyddoedd Yn amser rhy hir i'r co'; Pan aeth Magnus Maximus o Gymru Yn y flwyddyn tri-chant-wyth-tri, A'n gadael yn genedl gyfan A heddiw: wele ni! [Cytgan] Ry'n ni yma o hyd, x2 Er gwaetha pawb a phopeth, x3 Ry'n ni yma o hyd, x2 Er gwaetha pawb a phopeth,x3 Ry'n ni yma o hyd. Chwythed y gwynt o'r Dwyrain, Rhued y storm o'r môr, Hollted y mellt yr wybren A gwaedded y daran encôr, Llifed dagrau'r gwangalon A llyfed y taeog y llawr Er dued yw'r fagddu o'n cwmpas Ry'n ni'n barod am doriad y wawr! [Cytgan] Cofiwn i Facsen Wledig Adael ein gwlad yn un darn A bloeddiwn gerbron y gwledydd 'Mi fyddwn yma tan Ddydd y Farn!' Er gwaetha pob Dic Siôn Dafydd, Er gwaetha 'rhen Fagi a'i chriw Byddwn yma hyd ddiwedd amser A bydd yr iaith Gymraeg yn fyw! [Cytgan]

Nyi nwai jhyung Maksen,  A̱yin lyen nggu bah;  Ndyia̱ cyikwop ma̱ng cyi a̱taa  Ku la̱u labeang ba̱t a̱yin gu jhyung;  Jen ji nang Magnus Maximus ku ghwon Wali̱t  A̱lyia̱ ka 383  A̱ ku ghwon nzi̱t á̱niet bya a̱mgba̱m  A̱wot a̱fwun - ya nnwuan nzi̱t!  [bwuok]  Zi̱ ni̱ nshyia̱ a̱ji x2  Bi̱ri̱ng ma̱ng konyan ma̱ng kuzang kyang x3  Zi̱ ni̱ nshyia̱ a̱ji x2  Bi̱ri̱ng ma̱ng konyan ma̱ng kuzang kyang x3  zi̱ ni̱ nshyia̱ a̱ji  Wun hu hyiap neet ma̱ A̱tyin  A̱ka̱tuk ngwun neet mi̱ kyai a̱sa̱khwot  Yok a̱mya̱ra̱m nza wu gu saat tswazwa ji  A̱wot a̱gbai nza wu "Nyonywang!"  Ndang a̱ghyi mba ba̱ sang fwuo a̱ni kwa  A̱wot á̱khwo ba niai a̱byin ka  Shimba lyin ku keang nzi̱t li dyundyung  Zi̱ fwuong bai shong a̱tson!  [bwuok]  Zi̱ na jhyung nyia̱ Macsen A̱gwamshan wu  Ku ghwon a̱byin nzi̱t ka a̱nyiung kya,  A̱wot zi̱ na tyia̱ kun a̱zaghyi á̱niet bibyin  'Zi̱ na nshyia̱ a̱ji ba̱ng si̱ nat Fak-a̱lyiat Ngaan!'  Bi̱ri̱ng ma̱ng a̱mgba̱m á̱niet Dic Siôn Dafydd nyia̱  Bi̱ri̱ng ma̱ng a̱khwukhwop Maggie ma̱ng sot nggu ji,  Zi̱ na shyia̱ a̱ji ba̱ng si̱ nat sang sangba̱p,  A̱wot a̱lyem Wali̱t ka na swuan a̱ nat!  [bwuok]