Donat Yoona Ti̱rom (Shong: Donald John Trump), á̱ ka ndyen nggu nang Donald John Trump (byin Zwat A̱taa 14, 1946) yet a̱tyukwai-nfwuo-á̱niet, a̱tyu nyinyiit shei nkhang, ma̱ng a̱tyubwuang A̱merika wa a̱ ku yet a̱kwak a̱son a̱byin 45 Muná̱pyia̱ Sí̱tet wu kyiak neet ma̱ a̱lyia̱ 2017 ba̱ng si̱ nat a̱lyia̱ 2021.
Ti̱rom ku nat fang hu mi̱ Yunuvasi̱ti Pennsylvania, a̱vwuo ka nang hu san digi̱ri bacelo mi̱ tata-a̱pyia̱ tung-nzwa ma̱ ̱alyia̱ 1968. A̱ si̱ bai yet a̱kwak-a̱son a̱bwuanng a̱ka̱sa kyangbwak Ti̱rom wu ma̱ a̱lyia̱ 1971 a̱ si̱ kpaat a̱pyia̱ nggu di̱ fam nok a̱ka̱sham a̱ka̱sa nang á̱niet cat ba̱t a̱ni. Lyilyim a̱cak njen nang gu si̱ nwuo ba̱ng ta mi̱ ce-ndyia̱ 1990 hu, a̱ si̱ ta̱bat nyia̱ a̱cywang a̱banta̱m ma̱ a̱di̱di̱t. Kyiak neet ma̱ a̱lyia̱ 2004 bai a̱lyia̱ 2015, a̱ si̱ yet a̱tyoli ma̱ng a̱kpa̱ndang-jhyi reality show ta̱la̱vishon nang á̱ ku ngyei The Apprentice a̱ni.
Ti̱rom si̱ ya-a̱ywan di̱ khai A̱kwak A̱son A̱byin 2016 hu nang a̱tyu nang sot kwainfwuo-á̱niet Ri̱pobi̱likan ji ku khai a̱ni. A̱lyiat nwuai á̱kang á̱niet ma̱ a̱byin nggu na nang nvwuong nwuai á̱niet ma̱ng a̱gba̱ndang shan da̱ á̱pyia̱ Á̱kpaa̱kpeang ma̱ng á̱niet tyong a̱byin mba ka, a̱ si̱ ngeang bat gak M.S.–Mikziko hu; a̱ si̱ yan la a̱lyiat ghai kyangbwak na ma̱ a̱di̱dei.
.svg){kind=small}
.svg)