Esther Abba

Esther Abba

a̱tyubishyi

Sot mbyin	a̱nap
A̱byin mbyin	Naijeriya
A̱lyoot nang á̱ ku tyia̱ nggu	Esther
A̱lyem mbyin	Tyap
Lilyem a̱ lyen lyiat, lyuut ku tyia̱ bwak ma̱ng a̱nhu a̱ni	Shong
Ta̱m	a̱tyukwai-nfwuo-á̱niet

A̱yang-a̱li Esther Abba yet a̱tyukwai-nfwuo-á̱niet Naijeriya wa. A̱ ku yet A̱kwak a̱son a̱nyiuk Si̱tet Ka̱duna ba̱ng tat ndyia̱ a̱ni̱nai, a̱ si̱ ba̱ yet memba Mali A̱tung Si̱tet Ka̱duna, memba bwot Kaduna State Water Board gbangbang, A̱kpangcuk bwot Kaduna State Rehabilitation ma̱ng memba komiti mi̱ nta̱m ma̱ a̱di̱di̱t mi̱ sot kwai-nfwuo-á̱niet PDP mi̱ Si̱tet Ka̱duna ma̱ng a̱byin Naijeriya ka a̱mgba̱m. Nggu wa yet Gimbiya A̱tyap wu.

A̱hyiak

Ma̱ a̱lyia̱ 2011, kotu ku nwuak oda á̱ ta̱bat nggu mat a̱lyiat shei a̱bubwuk nkwaa̱mbwat fang. Ca̱caat ma̱ng a̱lyiat a̱tyubat-a̱hyiak na, a̱khwukhwop byia̱k a̱kpangcuk Sot A̱gwomna̱ti Mali Nietcen A̱fakan nang á̱ ngyei A̱tyoli Francis Koza a̱ni, a̱ ku kaat nyia̱ “A̱yang-a̱li Esther Abba ku shyi ma̱ a̱bubwuk a̱zaghyi Komisha̱n Shyishyi, High Court of Justice, Ka̱duna a̱wot a̱ si̱ shei ma̱ng a̱nu nggu ka a̱mali nyia̱ a̱son kwaa̱mbwat ghwon a̱lifang nggu ka nang gu nyia̱ á̱ ku nwuak di̱n jen ji gu nngaan tat-a̱pyia̱ pi̱raimari nggu hu A̱malifang Pi̱raimari LEA, Sakoo, SA̱M Nietcen A̱fakan ma̱ a̱lyia̱ 1984 ku bwuk a̱wot a̱ si̱ shei mi̱ kyang nyiung mi̱ di̱ cat khwuat, laai á̱niet ba mbeang mba ba̱ khai a̱ni ma̱ng á̱niet-a̱byin ba ma̱ a̱baka̱keang Nietcen A̱fakan ma̱ng a̱ka̱vwuo hyia̱k na ba̱ nwuak a̱cucuk nyia̱ da̱ nggu, a̱ byia̱ kwaa̱mbwat a̱lifang pi̱raimari hu nang gu ku nsan neet ma̱ a̱lifang a̱kya ma̱nang gu lyen ba̱t nyia̱ da̱ nggu, a̱ ku mak nat a̱lifang a̱kya bah.”