Anthony Enahoro
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Sot mbyin | a̱sam  |
|---|---|
| A̱byin mbyin | Naijeriya |
| A̱lyoot nang á̱ ku tyia̱ nggu | Anthony |
| A̱tuk mbyin | 22 Zwat A̱natat 1923 |
| A̱keang mbyin | Uromi |
| A̱tuk kwi | 15 Zwat Swak ma̱ng Sweang 2010 |
| A̱keang kwi | A̱gba̱ndang a̱keang Bini |
| A̱tyunswat | Helen Iyamuse Enahoro |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Shong, Nigerian Pidgin, Ishan |
| Ta̱m | a̱tyukwai-nfwuo-á̱niet, a̱tyukwok-nkhang |
| A̱ ku nat fang hu ma̱ | King's College, Lagos |
| Memba sot kwai-nfwuo-á̱niet | Action Group |
Anthony Eromosele Enahoro (22 Zwat A̱natat 1923 – 15 Zwat Swak ma̱ng Sweang 2010[1]) ku yet a̱tyonyiung mami á̱niet ba̱ ku tsa fuut cat sa̱t a̱byin Naijeriya mbwak á̱nietba̱ngtyok nta ba, a̱ si̱ yet a̱tyonyiung mami mba ba̱ ku tsa cat a̱byin ka ka̱ yet a̱byin di̱mokrasi kya a̱ni.[2] Nggu wa ku yet a̱ni̱nap nggwon wu mami mman swak á̱ ku byin ma̱ a̱keang Uromi mi̱ Si̱tet A̱do ma̱nini mi̱ Naijeriya. Á̱nietmbyin nggu ba̱ ku neet mi̱ nwap Ishan a̱ni, bibya ku yet Anastasius Okotako Enahoro (1900–1968) ma̱ng Fidelia Victoria Inibokun (1906–1969) nang a̱lyoot ma mbyin nggu kya yet Ogbidi Okojie. Enahoro ku nyia̱ ta̱m a̱ si̱ labeang ma̱ng a̱nhu nang a̱tyutsot-nkhang, a̱tyukwai-nfwuo-á̱niet, a̱khwo-a̱gwomna̱ti ma̱ng a̱tyufuut cat di̱mokrasi. A̱ ku shyia̱ tat-a̱pyia̱ hu ma̱ A̱lifang A̱gwomna̱ti mi̱ Uromi, A̱lifang A̱gwomna̱ti mi̱ Owo ma̱ng King's College mi̱ Legwot,[3] Enahoro si̱ bai yet a̱tyujhyuk pepa-nkhang Nnamdi Azikiwe nang á̱ ku ngyei Southern Nigerian Defender a̱ni mi̱ Ibadan, ma̱ a̱lyia̱ 1944 ma̱nang gu ku yet ndyia̱ 21 nia a̱ni, mat a̱nia wa, a̱ si̱ ka ngyet a̱tyu a̱byin Naijeriya a̱ swak ma̱ng fi̱ng a̱ yet a̱tyujhyuk nkhang a̱ni kyiak neet di̱n jen a̱ja ba̱ng si̱ tat ma̱nini.[4] A̱ si̱ bai yet a̱tyujhyuk Zik's Comet mi̱ Ka̱na̱u, ma̱ a̱lyia̱ 1945–49, a̱tyujhyuk a̱meang West African Pilot mi̱ Legwot, ma̱ng a̱gwak-jhyuk Morning Star kyiak neet ma̱ a̱lyia̱ 1950 ba̱ng si̱ tat a̱lyia̱ 1953.[5]
Ya̱fang
[jhyuk | jhyuk a̱tyin ka]- ↑ Maureen Asika-Enahoro (15 Zwat Swak ma̱ng Sweang 2018). "Remembering Anthony Eronsele Enahoro: Adolor of Uromi, Okaku"o of Edoland". The Guardian Nigeria News - Nigeria and World News (in American English). Archived from the original on 2022-10-01. Retrieved 1 Zwat Swak 2022.
- ↑ Muoka, Chidera (2017-12-01). "Five Independence Day Heroes". Guardian Nigeria (in American English). Archived from the original on 2022-10-01. Retrieved 2022-10-01.
- ↑ "Nigeria at 56: What Education was like before independence". Vanguard News (in American English). 2016-09-29. Retrieved 2022-10-01.
- ↑ BabaGboin (2006-01-01). "Chief Anthony Enahoro speaks !". Sahara Reporters. Retrieved 2022-10-01.
- ↑ "Enahoro:Tribute to a statesman". Vanguard News (in American English). 2010-12-26. Retrieved 2021-07-10.
A̱ka̱fwuop nta
[jhyuk | jhyuk a̱tyin ka]- Anthony Enahoro: A Grim Vindication (di̱n Shong)
- Ron Christenson (ed.), Anthony Enahoro: Political Trials in History: From Antiquity to the Present, Transaction Publishers, 1991 (di̱n Shong)