Muna̱pyia̱ Á̱niet A̱tak Ka̱duna

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Muna̱pyia̱ Á̱niet A̱tak Ka̱duna

association

A̱lyoot á̱ bu ngyei	SOKAPU
Lilyem a̱ lyen lyiat, lyuut ku tyia̱ bwak ma̱ng a̱nhu a̱ni	Shong
Mali a̱yaatyia̱	A̱tak Ka̱duna
Khwi ku nwuan-ta̱cya̱	Khwikristi
Chairperson	Samuel Tabara Kato
Shyia̱ di̱ fam tyok a̱byin	A̱tak Ka̱duna
Mam fwung	Kisi̱mat, A̱za̱za̱rak Juma, Ita, Song A̱yet A̱tyap, Bwuok A̱fan

Muna̱pyia̱ Á̱niet A̱tak Ka̱duna, MÁ̱A̱K (Shong: Southern Kaduna People's Union, SOKAPU) yet sot-nta̱m taada á̱niet ja, ji̱ yong da̱ a̱kwonu á̱niet A̱tak Ka̱duna, Si̱tet Ka̱duna, Naijeriya. Ma̱ a̱lyiat a̱ghyang nang a̱kpangcuk sot Kansi̱t Kwak-a̱son A̱tak Ka̱duna (SKLC), A̱tyoli Ishaya Da̱re A̱ka̱u, ku nyia̱ a̱ni mi̱ Zwat A̱kubunyiung 2022, a̱ ku ntyia̱ SOKAPU mami susot ji̱ yet kap kansi̱t ji. Da̱ a̱kwonu a̱kya, á̱niet ma̱ a̱di̱di̱t ka ncat tangka̱i ghyuai a̱hwa bah nang á̱ na kyiak SOKAPU á̱ ntyia̱ tafa sot jhyang nang SKLC a̱ni. Mi̱ di̱ Zwat Tsat 2024, A̱kwak A̱son A̱byin SOKAPU wu wa yet A̱tyoli Sa̱mwila Ta̱ba̱ra Kato.

Nkhang

Á̱ wa nyia̱ Muna̱pyia̱ Á̱niet A̱tak Ka̱duna (MÁ̱A̱K) hu ku tsa ma̱ng sot ji á̱ ku ngyei "A̱guguut Nerzit" (Shong: Nerzit Movement, ku fa "Á̱niet nzi̱t ba") a̱ni. Á̱ ku bwuo a̱lyoot ka neet di̱ si̱sak nang nnwap A̱tak Ka̱duna ma̱ a̱di̱di̱t yei a̱pyia̱ mba ma̱ng á̱kpa̱ndang-swat mba ba di̱ lilyem mba hu.

Naat mbwuot swatndung-á̱niet ma̱ng kwainfwuo-á̱niet

Mi̱ Zwat A̱natat a̱lyia̱ 2000, sot MÁ̱A̱K ji tak kpa̱sai nyia̱ A̱mangfwuo bibya ku kpaat a̱keang Ka̱duna ka, a̱wot a̱kwak a̱son sot jhyang á̱ ngyei Muslim League for Accountability (MULAC) a̱ni, Muhammad Awwal Sa'id, si̱ ghwut ma̱ a̱tung á̱nietsheinkhang nang á̱ nyia̱ mi̱ Press Centre mi̱ Ka̱duna ji, a̱ si̱ nyia̱ a̱ka̱laa nia nang sot MÁ̱A̱K ji lyiat. A̱ si̱ bat sot MÁ̱A̱K ji a̱hyiak nyia̱ ji̱ bwan kyang hu gu yei 'a̱tsotswat nkhang' a̱ni, si̱ tyia̱ a̱ka̱laa.