Roshiya

Mundundung Roshiya Российская Федерация Rossiyskaya Federatsiya

Ta̱si̱la a̱byin Roshiya

Tuta a̱byin Roshiya

A̱lama a̱byin Roshiya

A̱byin Roshiya (Roshiya: Россия, Rossiya /rɐˈsʲijə/; Shong: Russia), ku Mundundung Roshiya hu (Roshiya: Российская Федерация, Rossiyskaya Federatsiya /rɐˈsʲijskəjə fʲɪdʲɪˈratsɨjə/; Shong: Russian Federation), yet a̱byin kya ka̱ ngaat kyiak neet di̱ fam a̱byin A̱tyin Yurop nat A̱za A̱si̱ya. A̱byin Roshiya kya yet a̱gba̱ndang swak wu mi̱ swanta hu ka̱ kup kyai a̱byin ka̱ swak kilomita a̱ma̱ntanaai miliyon 17 (met a̱ma̱ntanaai 6.6 x 10⁶) a̱ni, ka̱ si̱ keang si̱ ku swak kap a̱kpa a̱nyiung mami nkap a̱yaakpa a̱ni̱nai nang á̱niet swat mi̱ swanta hu. A̱byin ka ngaat ka̱ byia̱k a̱ma̱nyi a̱yaazoni njen swak ma̱ng a̱nyiung, ka̱ si̱ lan byia̱ a̱gi̱gak ma̱ng bibyin ghyáng mi̱ swanta hu, ma̱ng á̱sa̱t bibyin swak ma̱ng a̱taa. Ka̱ shyia̱ ma̱ng shi á̱niet miliyon 146.2; a̱wot ka̱ si̱ yet a̱byin ka ka̱ swak mi̱ shi á̱niet mami Yurop, ma̱ng a̱kubunyiung mi̱ shi á̱niet mi̱ swanta hu. A̱keangtung nka ka, Moskova, kikya yet a̱gba̱ndang a̱keang wu a̱ swak mi̱ shi mami Yurop, ma̱nang Saint Petersburg si̱ yet a̱gba̱ndang a̱keang a̱ swak mi̱ shi a̱feang wu ma̱ng a̱ka̱wa̱tyia̱ taada nka ka. A̱roshiya ba, bibya yet nwap A̱si̱lavi ma̱ng sot á̱niet ji̱ swak mi̱ shi mami Yurop a̱ni; ba̱ lyiat da̱ a̱lyem Roshiya kya, a̱lyem Si̱lavi nang á̱ lyiat swak a̱ni ma̱ng a̱ka̱k a̱lyem á̱ lyiat swak ma̱ a̱byin Yurop a̱ni.