Jhya̱ Á̱nietcen A̱fakan 1992 ji

Jhya̱ Nietcen A̱fakan 1992 ji

mang, death by burning, massacre, arson

A̱vwuo	Nietcen A̱fakan, Si̱tet Ka̱duna, Naijeriya
Coordinate location	9°51′0″N 8°29′0″E
Jen ntsa	6 Zwat Sweang 1992
Jen tyiai	17 Zwat Tswuon 1992
Participant	A̱kpat, A̱tyap

A̱tsan Jhya̱ Á̱nietcen A̱fakan 1992 ka ku tsa neet di̱n jen nang A̱bii̱ri̱ti̱n ba ku tyok a̱ni di̱ Fam-a̱byin A̱za Naijeriya Bi̱ri̱ti̱n hu, ma̱nang A̱tyap ba ku tywei nyia̱ A̱kpat ba ta̱wap mba a̱byin. Ma̱ a̱lyia̱ 1922, á̱ ku tak nyia̱ a̱gwam Zariya, Dalatu Usuman Yero, ku san a̱gba̱ndang jen a̱byin di̱n mi̱n teang á̱niet-a̱byin ba kurum a̱byin hu. Ma̱ a̱lyia̱ 1966, a̱gwam Zariya di̱ yong a̱hwa, Muwamet Usuman, si̱ kyiak a̱byin a̱kya, a̱ si̱ nwuak á̱nietbwuang A̱kpat ba ba̱ swan di̱ fam Maba̱ta̱do ma̱ a̱keang A̱nietcen A̱fakan ka. Á̱ ku kyiak a̱byin a̱kya nyia̱ kaswuo ja ma̱ng a̱nka, a̱wot mami kaswuo a̱ja, A̱tyap ba si̱ mi̱n bwuang nam a̱kusuru ku a̱kan ba, nang á̱nietcen ba vwuong mba nyia̱ a̱nia.