Namibya

Neet di̱ Wikipedia
Jump to navigation Jump to search

Ri̱pobi̱lik Namibya
Lyulyoot di̱ lilyem a̱byin
Republic of Namibia (Shong)
Republiek van Namibië (Afrikaans)
Republik Namibia (Jaman)
Namibiab Republiki dib (Khoekhoegowab)
Orepublika yaNamibia (Otjiherero)
Orepublika yaNamibia (Oshiwambo)
Republika zaNamibia (RuKwangali)
Rephaboliki ya Namibia (Setswana)
Namibia ye Lukuluhile (siLozi)

Flag of Namibia.svg Coat of arms of Namibia.svg
Namibia (orthographic projection).svg
A̱keangtung Vi̱ndhuk
Shi kyai 825,615 km²
Shi á̱niet 2,550,226 ab. (2020)

A̱bwom a̱byin: "Namibia, Land of the Brave" ("Namibya, A̱byin Á̱niet Sang A̱wun")

A̱byin Namibya (Shong: Namibia /nəˈmɪbiə/, /næˈ-/),[1][2] á̱ lyen ma̱ng a̱lyoot a̱gwomna̱ti nka nang Ri̱pobi̱lik Namibya wu (Shong: Republic of Namibia) a̱ni, yet a̱byin kya di̱ fam a̱byin A̱tak Afrika. Gak fam jenshyung hu hwa yet Kyai A̱sa̱khwot Ati̱lantik hu; ka̱ si̱ byia̱ a̱gi̱gak a̱byin ma̱ng bibyin Zambya ma̱ng Anggola di̱ fam a̱za hu, Botswana di̱ fam a̱tyin hu ma̱ng a̱byin Afrika A̱tak di̱ fam a̱tak ma̱ng a̱tyin hu. Shimba ka̱ nwai byia̱ gak ma̱ng Zimbabwe, si̱ ku lat mita 200 (a̱ti̱tak 660) a̱zayak khwong A̱ghyui Zambezi di̱ fam a̱byin Botswana hu hwa ka̱u bibyin nfeang hu. A̱byin Namibya ku shyia̱ sa̱t mbwak A̱tak Afrika ma̱ a̱tuk mam 21 Zwat Tsat 1990, a̱wot a̱ma̱lyim Zwang cat shyia̱ Sa̱t Namibya ji ja. A̱keangtung ka ma̱ng a̱gba̱ndang a̱keang a̱ swak mi̱ shi wu wa yet Windhoek. Namibya yet a̱byin ka̱ yet memba Muná̱pyia̱ Bibyin Swanta (MBS), Sot Ya-a̱son A̱tak Afrika (SYA̱A) ji, Muná̱pyia̱ Bibyin Afrika (MBA) hu ma̱ng Mundundung Bibyin.

Ya̱fang[jhyuk | jhyuk a̱tyin]

  1. Wells, John C. (2008). "Longman Pronunciation Dictionary".3 (Jhyu.). Longman. ISBN 978-1405881180.
  2. Roach, Peter (2011). "Cambridge English Pronouncing Dictionary". 18 (Jhyu.). Cambridge: Cambridge University Press. ISBN 978-0521152532.