Anggola

Neet di̱ Wikipedia

Ri̱pobi̱lik Anggola
República de Angola (Potugit)

A̱keangtung Luwanda
Shi kyai 1,246,700 km²
Shi á̱niet 31,127,674 ab. (2020)

A̱bwom a̱byin: "Angola Avante" (Anggola A̱zaghyi)

A̱byin Anggola (Potugit: Angola /ɐ̃ˈɡɔlɐ/), á̱ lyen ma̱ng a̱lyoot a̱gwomna̱ti ka nang Ri̱pobi̱lik Anggola wu (Potugit: República de Angola), yet a̱byin kya di̱ khwong a̱sa̱khwot jenshyung fam-a̱byin A̱tak Afrika hu. Kikya yet a̱byin a̱feang ka̱ swak ma̱ng shi di̱ bibyin ku lyiat a̱lyem Potugit hu di̱n vak shi kyai a̱byin ma̱ng shi á̱niet (a̱ma̱lyim a̱byin Brazil), a̱wot ka̱ si̱ yet a̱byin a̱natat mami Afrika ka̱ swak ma̱ng shi a̱ni. Ka̱ si̱ byia̱ a̱gi̱gak ma̱ng bibyin Namibya di̱ fam a̱tak hu, RD Konggo wu di̱ fam a̱za hu, Zambya di̱ fam a̱tyin hu, ma̱ng A̱gba̱ndang Kyai A̱sa̱khwot Ati̱lantik wu di̱ fam jenshyung. A̱byin Anggola byia̱ provin a̱byin tamm a̱ghyang, provin Kabinda wu, ka̱ byia̱ a̱gi̱gak ma̱ng Ri̱pobi̱lik Konggo wu ma̱ng Ri̱pobi̱lik Di̱mokrasi Konggo wu. A̱keangtung nka ma̱ng a̱gba̱ndang a̱keang a̱ swak ma̱ng shi a̱ni wa yet Luwanda.

Ya̱fang[jhyuk | jhyuk a̱tyin ka]