Khwong A̱ta̱m Nzwuom

Ri̱pobi̱lik Khwong A̱ta̱m Nzwuom République de Côte d'Ivoire (Fi̱ransa)
A̱keangtung	Yamusukuro
Shi kyai	322,462 km²
Shi á̱niet	28,088,455 ab. (2020)

A̱bwom a̱byin: "L'Abidjanaise" ("A̱bwom Abijan")

A̱byin Khwong A̱ta̱m Nzwuom ku Kodivwa (Fi̱ransa: Côte d'Ivoire, Shong: Ivory Coast), á̱ lyen ma̱ng a̱lyoot a̱gwomna̱ti nka nang Ri̱pobi̱lik Khwong A̱ta̱m Nzwuom (Fi̱ransa: République de Côte d'Ivoire) a̱ni, yet a̱byin kya di̱ khwong a̱tak fam-a̱byin Jenshyung Afrika. Á̱ ngyei a̱keangtung nka ka Yamusukuro, a̱gba̱ndang a̱keang a̱ghyang a̱ shyia̱ a̱ka̱wa̱tyia̱ a̱byin ka; a̱wot a̱gba̱ndang a̱keang a̱ swak ma̱ng shi a̱ ka ngyet a̱ka̱wa̱tyia̱ tung nzwa nka, nggu wa yet Abijan. A̱byin ka byia̱ a̱gi̱gak ma̱ng bibyin Gini di̱ fam a̱za-jenshyung hu, Laiberiya di̱ fam jenshyung hu, Mali di̱ fam a̱za-jenshyung, Burkina Faso di̱ fam a̱za-a̱tyin, Gana di̱ fam a̱tyin, ma̱ng A̱ngam A̱sa̱khwot Gini (A̱gba̱ndang Kyai A̱sa̱khwot Ati̱lantik) di̱ fam a̱tak hu. A̱lyem a̱gwomna̱ti nka, kikya yet Fi̱ransa, a̱wot á̱ ka ndyiat lilyem a̱byin hu ba̱t, nang Bété, Bawulé, Dyula, Dan, Anyin, ma̱ng Cebaara Senufo. A̱kuu lilyem 78 vwuon wa á̱ lyiat di̱ Khwong A̱ta̱m Nzwuom. A̱byin ka si̱ byia̱ á̱niet khwi a̱yaadini vwuon, nang Khwikristi, Khwikpaa̱pyia̱ ma̱ng khwí a̱mali ma̱ a̱di̱di̱t.