Somalya

Neet di̱ Wikipedia

Ri̱pobi̱lik Mundundung Somalya
Jamhuuriyadda Federaalka Soomaaliya (Somali)
جمهورية الصومال الفيدرالية, Jumhūriyah as-Sūmāl al-Fīdirāliyah (La̱ra̱ba)

A̱keangtung Mogadishu
Shi kyai 637,657 km²
Shi á̱niet 15,893,219 ab. (2020)

A̱bwom a̱byin: "Qolobaa Calankeed"
"علم أي امة"
"Kuzang a̱byin ma̱ng tyiang a̱toot shi nka ji"

A̱byin Somalya (Somali: Soomaaliya, lyuut Osmaniya: 𐒈𐒝𐒑𐒛𐒐𐒘𐒕𐒖; La̱ra̱ba: الصومال‎, aṣ-Ṣūmāl; Shong: Somalia /səˈmɑːliə/), á̱ lyen ma̱ng a̱lyoot a̱gwomna̱ti nka nang Ri̱pobi̱lik Mundundung Somalya wu (Somali: Jamhuuriyadda Federaalka Soomaaliya; La̱ra̱ba: جمهورية الصومال الفيدرالية, Jumhūriyah as-Sūmāl al-Fīdirāliyah; Shong: Federal Republic of Somalia) a̱ni, yet a̱byin kya di̱ fam A̱ta̱m Afrika hu. Ka̱ byia̱ a̱gi̱gak ma̱ng bibyin Ityopya di̱ fam jenshyung hu, Ji̱buti di̱ fam a̱za-jenshyung hu, A̱ngam A̱sa̱khwot Aden di̱ fam a̱za hu, A̱gba̱ndang Kyai A̱sa̱khwot Ndiya di̱ fam a̱tyin hu, ma̱ng Kenya di̱ fam a̱tak-jenshyung hu. A̱byin Somalya kya byia̱ lang khwong kyai a̱sa̱khwot ku swak ma̱ng shi a̱swap mi̱ vam-a̱byin Afrika wu gba̱mgbam. Lili a̱byin hu yet si̱ pi̱lato hwa, a̱kpa̱kpai a̱byin ma̱ng bibyin shi a̱za. A̱vwuo ka li gba̱gbai a̱mgba̱m a̱lyia̱ ka, ma̱ng wun monsun di̱n jen jhyang mbeang za ji̱ nwai va nci̱ri̱ng a̱ni. A̱byin Somalya byia̱ á̱niet ba̱ shi tat kpa̱mkpaan ma̱ng miliyon 15, nang si̱ ku swak á̱niet miliyon a̱feang swan a̱keangtung nka ka̱ ka ngyet a̱gba̱ndang a̱keang a̱ swak ma̱ng shi nang á̱ ngyei Mogadishu a̱ni, a̱wot á̱ si̱ wa̱i a̱byin ka nang a̱byin Afrika ka̱ swak di̱ byia̱ nwap ma̱ng taada jhyiung mami a̱byin a̱nyiung a̱ni. Kpa̱mkpaan ma̱ng %85 á̱niet ba̱ swan a̱byin ka yet nwap Somali ja, á̱niet nang di̱n jen gbangbang ba̱ ku swan fam a̱za a̱byin hu hwa. Á̱kum a̱cyuang nnwap na si̱ fam á̱pyia̱ nna di̱ fam a̱tak a̱byin hu. Lilyem a̱gwomna̱ti a̱byin Somalya hwa yet Somali ma̱ng La̱ra̱ba. Á̱niet ma̱ a̱di̱di̱t ma̱ a̱byin ka yet Á̱kpaa̱pyia̱ bya, ma̱ a̱di̱di̱t mba Suni bya.

Ya̱fang[jhyuk | jhyuk a̱tyin ka]